JTS-10 bitki, yosun və sianobakteriyalarda fotosintetik aparatın fəallığının qiymətləndirməsi üçün istifadə edilir. O xlorofilin fluoressensiyasının kinetikasını (sabit, dəyişən flüoressensiya, flüoressensiyanın induksiyası), fotosintezin elektron daşınma dövrəsinin bəzi komponentlərinin oksidləşmə-reduksiyasına uyğun gələn absorbsiya dəyişmələrini ölçməyə imkan verir. Həm fotosintezə dair fundamental tədqiqatlarda, həm də ətraf mühit amillərinin fotosintez aparatına təsirinin öyrənilməsində istifadə edilir.