Azərbaycan Əhalisinin e.ə. I Minillikdə Etnik Tərkibinə Dair

Azərbaycan dövlətçilik tarixinin qədim dövrünə dair bir sıra məsələlərin dəqiqləşdirilməsinə, yeni faktların elmi dövriyyəyə daxil edilməsinə və fərqli yanaşmaların nəzərə alınmasına ehtiyac vardır. Məqalədə eramızdan əvvəlki I minillikdə Azərbaycan əhalisinin etnik tərkibi təqdim edilir, həmin dövrə qədərki etno-siyasi reallıqlar əks olunur, regiona yeni tayfaların gəlişi və bu proseslərin sosial-siyasi
vəziyyətə təsiri araşdırılır. Əvvəlki etnosların – lullubi, kuti, kas (kaspi), turukki və su tayfalarının mövcudluqlarını davam etdirməsi, eləcə də oğuz (quz, iskit, skif) tayfalarının regiona dönüşü məsələləri
vurğulanır. Həmçinin, bəzi elmi təhriflərin aradan qaldırılması və məsələyə alternativ yanaşmanın formalaşdırılması məqsədi güdülür.