Azərbaycan tarixinin bəzi konseptual məsələrinə dair

Bir sıra daxili və xarici amillərin təsiri altında saxtalaşdırılan, erməni yalanları ilə tanınmaz hala salınan, oğurlanan Azərbaycan tarixinin dəqiqləşdirilməsinə, ilk növbədə yenidən dövrləşdirilməsinə ehtiyac vardır. Bunun üçün dövlətçilik prinsipini əsas götürməklə Azərbaycan tarixinin 6 əsas dövrə bölünməsini təklif edirəm: 1) Dövlətçiliyin ilkin dövrü (e.ə. III-II minilliklər); 2) Klassik dövlətçilik dövrü (e.ə. I minillik-y.e. III əsri); 3) Nisbi müstəqillik və müstəqilliyin bərpa olunması (III-XII əsrlər); 4) İmperiya dövrü (XII-XVIII əsrlər); 5) Siyasi pəra-
kəndəlik dövrü (XVIII əsrin ikinci yarısı- XX əsrin əvvəli); 6)Müasir dövlətçilik dövrü (1918-ci ildən son dövrə qədər).