Rabitə sistemlərində bloklayıcı siqnalların selektiv dəf edilməsinin təmini üsullarının işlənməsi

Bu gün gənc Azərbaycan Respublikası keçid iqtisadiyyatı dövrünü yaşayır. Bu
keçidin əsasını Qlobal İnformasiya Cəmiyyətini (QİC) qurmaq təşkil edir. Fərqli
inkişaf modelləri əsasında yaşayan ölkə və dövlətlər müxtəlif dövrlərdə Qlobal
İnformasiya Cəmiyyətinə keçəcəklər. Amma artıq bir çox dövlətlər bu cəmiyyətə keçid
üçün öz vəzifələrini müəyyənləşdirmişdir. Keçid prosesində “informasiya anlayışı” və
onun cəmiyyətdə funksiyaları ciddi dəyişikliklərə uğramışdır. Bir çox aparıcı
mütəxəssislərin fikrincə, bu sahədə son faktor kimi, informasiya hakim, sosial qrup isə
informasiya istifadəçiləri funksiyasını daşıyırlar. Qlobal informasiya cəmiyyəti ən
müasir infokommunikasiya texnologiyaları və xidmətləri əsasında qurulmuşdur. Belə
ki, bu gün insan cəmiyyəti fantastik bir qrup xəyalpərəst insanın gözəl arzuları ola bilən
rəqəmli texnologiyalar əsasında inkişaf edir. Bir neçə il bundan əvvəl, məsələn, optik
lifli rabitə xətləri, spektral sıxlaşdırma texnologiyası, peyk rabitə sistemləri, mobil
(çevik) rabitə aparatı, şanvari modelli şəbəkə, internet, sinxron (STM) və asinxron
(ATM) veriliş metodu, plezoxron veriliş sistemi, paket kommutasiya, multimedia
xidmətləri və GSM (Global System for Mobile Communications), İP telefon, İP/MPLS
və s. ideyaları ola bilməzdi.