Bu avtomatlaşdırılmış laboratoriya stendi yarımkeçirici strukturların elektrik xüsusiyyətlərinin volt-amper (I-V) və volt-farad (C-V) xarakteristikaları metodu ilə öyrənilməsi üçün nəzərdə tutulmuşdur. Stend vasitəsilə p-n keçidlərin, yarımkeçirici diodların, heterokeçidlərin və müxtəlif yarımkeçirici strukturların cərəyan-gərginlik asılılıqları tədqiq olunur. Stendin tərkibinə elektron ölçmə bloku, gərginlik və cərəyan mənbəyi, analoq-rəqəmsal çevirici, nümunələrin qoşulması üçün terminallar və kompüterlə inteqrasiya olunmuş proqram təminatı daxildir. Ölçmə nəticələri avtomatik rejimdə qeyd olunur, qrafiklər şəklində vizuallaşdırılır və təhlil edilir. Bu tədris avadanlığı tələbələrdə yarımkeçirici strukturların fiziki mexanizmlərinin başa düşülməsi, eksperimental ölçmə bacarıqlarının formalaşdırılması və nəticələrin analizi üzrə praktiki biliklərin inkişaf etdirilməsinə xidmət edir.