Bu standart tədris avadanlığı stendi elektrik mühəndisliyi, elektronika, elektrik maşınları və elektrik ötürücüləri fənləri üzrə laboratoriya işlərinin aparılması üçün nəzərdə tutulmuşdur. Stend vasitəsilə elektrik dövrələrinin qurulması, enerji mənbələrinin öyrənilməsi, transformatorların, elektrik mühərriklərinin və elektrik ötürücü sistemlərinin iş prinsipləri praktiki şəkildə tədqiq olunur.Mini modul kompüter stendi versiyası ölçmə və idarəetmə proseslərinin kompüter vasitəsilə həyata keçirilməsinə imkan verir. Stendin tərkibinə güc və ölçmə modulları, elektron və elektromexaniki elementlər, idarəetmə blokları, sensorlar və kompüter interfeysi daxildir. Tədris avadanlığı tələbələrdə elektrik proseslərinin analizi, ölçmə bacarıqları və elektrik maşınlarının iş rejimlərinin öyrənilməsi üzrə fundamental və praktiki biliklərin formalaşdırılmasına xidmət edir.