Laçınlı Sultanovların savaşı
Date Issued
2025-07-17
Author(s)
Mahmudlu, Toğrul
Abstract
Bu məqalə Qarabağın görkəmli nəsillərindən olan Laçınlı Sultanovların, xüsusilə də xalq qəhrəmanı Sultan bəy Sultanovun həyat və mübarizəsinə həsr edilib. Məqalədə Sultan bəyin üç müxtəlif siyasi dövrdəki mübarizəsindən, özəlliklə, az tədqiq olunmuş və ictimaiyyətə məlum olmayan 1920-1923-cü illərdə bolşevik işğalçılarına qarşı apardığı mübarizəsindən bəhs edilib. Dünya mətbuatında Sultan bəyin qəhrəmanlığının necə əks-səda yaratdığı bu məqalədə qeyd edilmiş xarici qəzet arxivlərinin sənədlərindən aydın görünür. Məqalədəki faktlar Sultan bəyin təkcə hərbi lider olmadığını, eyni zamanda, milli qürurun və müstəqillik iradəsinin simvolu olduğunu göstərir. Məqalə oxuculara tarixi faktlarla yanaşı xalqımızın mübarizə ruhunu bir daha xatırladır və bu irsin bu günə qədər yaşadığını vurğulayır. Sultan bəy Sultanovun həyat yolu yalnız bir ailənin, bir bölgənin deyil, bütövlükdə Azərbaycanın milli yaddaşı və müstəqillik uğrunda mübarizə tarixidir.