Bu dünyanın Həsənağası

Vətən müharibəsi zamanı Murovdağın azadlığı uğrunda gedən döyüşlərdə iştirak edən Həsənağa daha sonra isə Ağdərə və Kəlbəcər döyüşlərində ən öndə döyüşən zabitlərdən olur. Murov yüksəkliyi uğrunda gedən döyüşlərdə ayağından güllə yarası alsa da, döyüşü tərk etmir, hospitala göndərsələr də, ayağını sarıyıb, öz taboru ilə birlikdə Kəlbəcər uğrunda gedən döyüşlərə yollanır. Heç bir yara bu igidin cəsarətini sındıra bilmir. O, Kəlbəcər uğrunda gedən döyüşlərdə qəhrəmancasına şəhid olur. Döyüş yoldaşları deyir ki, Həsənağa deyirdi: "Biz 3 nəfər qalsaq belə, bu post alınmalıdır" və belə də oldu. Amma təəssüf ki, o qələbə sevincini yaşaya bilmədi. Torpaq həsrətini bitirən Vətən oğlu bu dünyada doğma yurd vüsalına qovuşa bilmədi. Həsənağa 2021-ci il oktyabrın 2-də Kəlbəcər rayonunda qəhrəmancasına şəhid oldu. Həsənağanın nəşi 112 gün düşmən əlində qaldı. Yanvarın 14-ü, 112 gündən sonra Həsənağanın nəşri ailəsinə təhvil verildi və II Fəxri Xiyabanda dəfn edildi.