Sinifdə Universal Öyrənmə Dizaynı : Təcrübədə Tətbiqi

Biz bu silsilə üçün kitab hazırlamağa dəvət olunduqda silsilənin redaktorları ilə müzakirələrimiz ilk olaraq texnologiya və xüsusi təhsil üzərində mərkəzləşdi. Çox qısa müddətdə anladıq ki, (və redaktorlar da bizimlə razılaşdı) bu yanaşma təcrübəçi müəllimlər üçün faydalı olmasa da, Universal Öyrənmə Dizaynı (UÖD) haqqında kitab bütün öyrənənlərin ehtiyaclarını ödəmək üçün müxtəlif vasitə və metodların istifadəsində təhsil işçilərinin istiqamətləndirilməsi üçün çox yardımçı olacaq. Texnologiya və öyrənənlərin xüsusi ehtiyacları bu kitabın önəmli mövzularından biri olsa da, əsas mövzu hamı üçün çevik və uyğunlaşa bilən öyrənmə mühitlərinin layihələndirilməsi vasitəsilə hamı üçün təhsilin təkmilləşdirilməsidir. Yalnız texnologiyaların istifadəsi və ya konkret qrup şagirdlərin ehtiyaclarının dar çərçivədə ödənilməsi bu məqsədə nail olmaq üçün kifayət deyil.