İnnovasiya Menecmenti

Dərs vəsaitində innovasiya nəzəriyyəsinin əsasları, innovasiya
iqtisadiyyatının əsas atributları, Azərbaycan Respublikasında
innovasiya iqtisadiyyatının formalaşdırılması konsepsiyaları, yüksək
texnologiyalar və onların iqtisadi inkişafda rolu, ölkənin sosial-
iqtisadi siyasətinin tərkib hissəsi olan innovasiya siyasəti, innovasiya
layihələrinin işlənilməsi və həyata keçirilməsi, habelə ölkədə
innovasiya fəaliyyətinin idarəedilməsilə əlaqədar olan digər
məsələlər əhatə edilmişdir.
Kitabın hazırlanmasında əsas məqsəd- ölkədə innovasiya
iqtisadiyyatının formalaşdırılması və inkişafının səmərəli idarə
edilməsinin ümumi istiqamətlərini müəyyən etməkdən ibarətdir.
Kitabın yazılmasında “İnnovasiya menecmenti” fənninin
Azərbaycan Texniki Universitetində və Sumqayıt Dövlət
Universitetində tədrisi təcrübəsindən istifadə edilmişdir.
Dərs vəsaiti Ali texniki məktəblərin bakalavriatları, magistrləri,
doktorantları, müxtəlif səviyyəli obyektlərin (dövlət, sahə,region,
müəssisə və s.) idarəedilməsilə məşğul olan mütəxəssislər üçün
nəzərdə tutulmuşdur.